Alamartxo gauerako egitaraua
Ekainaren 23an, asteartearekin, ospatuko dugu urtero bezala udako solstizioaren festa. Egitaraua prest dago eta azken urteetan bezala, plazan afaltzeko mahai eta aulkien eskaerak nola egin ere albiste honetan irakur dezakezu.
ALAMARTXO GAUEKO EGITARAUA:
- 18:30ean Txanbolintero txistulari taldeak alaituko ditu kaleak.
- 20:00etan ANE URBIETA eta MAIALEN LARRAÑAGA trikitilarien saioa eta sagardoa txotxetik plazan.
- 21:00etan HERRI AFARIA plazan
- 22:30ak aldera SU PIZTEA eta Iztueta Dantza Taldearen EMANALDIA
- Ondoren trikitilariekin ERROMERIA
MAHAI ETA AULKIAK:
Aurtengoan ere Zubi-Buru Elkartea eta Gaztelu Elkartea elkarlanean arituko dira 150 lagunentzako herri-afaria antolatzen. Afarirako txartelak salgai jarriko dituzte ekainaren 19an, ostiralean, 19:30etik aurrera herriko plazan. Pertsona bakoitzak gehienez lau tike erosi ahal izango ditu.
Horretaz gain, norberak afaria etxetik ekarrita afaltzeko mahaiak eta aulkiak erabiltzeko aukera izango da. Udaletxean, Kultur Etxean edo eskatu.zaldibia.eus web atarian egin daiteke erreserba eskaera. Webgune bidez egiteko, mahai edo aulki kopurua zehaztu eta eskaera azkarra botoiaren bidez bideratu daiteke eskaera. Garrantzitsua da galdetegiak zehazten duen informazioa betetzea. Erreserba egin eta onartua izan zaien guztiek, asteartean 18:30etik 19:30ak arteko tartean PLAZAN jaso beharko dituzte mahai eta aulkiak.
Afaldu ondoren eta emanaldia hasi aurretik, 22:00etatik 22:30ak bitartean, hartutako mahai eta aulkiak norberak itzuli beharko ditu Gure Ametsa biltegira.
SU-PIZTEA:
Urtero bezala udal-langileek prestatu eta Iztueta Dantza Taldeko partaideak arduratuko dira sua pizteaz, beraz gainontzekoek ez dute alamartxoan eskurik sartu behar.
TRAFIKO OHARRA:
Asteartean, ekainak 23, 17:00etatik aurrera eta asteazken goizaldera arte Mediku-Etxe parean bidea itxiko da ibilgailuentzat. Autobusak Arresenen utzi eta hartuko ditu bidaiariak.
