Iragarki eta oharrak

Trafiko oharra: Zubi Ondo eta Goiz Eguzki artean bide mozketa

Apirilaren 19 asteartea goizeko 8:00etatik 9:00etara ibilgailuen joan etorria oztopatuko dutela jakinarazi digu presaren eraispen lanak burutuko dituen URAKek.
Gehiago

OHARRA: Trafikoa eta informazioa

Apirilaren 15ean Zaldibiako Gazte Asanbladak antolatu duen jaialdia dela eta, Antzokian eta antzoki pareko aparkalekuan kontuan izateko oharrak dituzue jarraian.
Gehiago

Udal tasak ordaintzeko dirulaguntza deialdia: 2022ko deialdia

Zaldibiako Udalak udal tasa eta prezio publikoak ordaintzeko laguntzak aurkezteko 2022ko deialdia aurkeztu du. Laguntza hauen bidez Etxerako ur-hornidura eta estolderia eta etxeko hondakin bilketa eta kudeaketa ordaindu ahalko dira. Epea deialdi hau plazaratzen denetik 2022ko abenduaren 30 artekoa izango da.
Gehiago

Gaur Zaldibian gertaturiko ezbeharraren inguruko oharra

Lehenik eta behin Zaldibiako herriaren izenean, gure elkartasuna agertu nahi diegu gaur goizean gertaturiko ezbeharrean bizitza galdu duten bi zaldibitarren senide eta lagunei eta erietxean dagoen herritarrari ahalik eta azkarren osatzea opa diogu.

Gertaturiko heriotzak  monoxido gasa arnasteak sorrarazi omen ditu eta abian dagoen ikerketak zehaztuko du gertaturikoaren jatorria.

Zaldibiako Udalak hiru egunez masta erdian mantenduko du plazako Ikurriña elkartasun keinu gisa.

Zaldibian, 2022ko martxoaren 30ean.
Gehiago

Trafiko Oharra: Larunbatean Santa Fe kalea itxiko da

Martxoak 5 larunbata, TTIPI-TTAPA MOREA lasterketa dela eta Santa Fe kalea itxiko da ibilgailuentzat Mediku etxetik (Santa Fe 21) Mariaundi parera (Santa Fe 45ra) goizeko 10:00etatik arratsaldeko 13:30era.
Gehiago

Beti Gazte taberna ostegunean irekiko da

Osteguna, otsailak 24, arratsaldeko 17:00etatik aurrera zabalduko ditu bere ateak.  Mari Karmen Sainz-Aja lazkaotarra izango da herritarren zerbitzura Beti Gazte tabernan. Goizetan 8:30ean zabalduko ditu ateak gosariak eskaintzeko, eta segidan pintxoak, razioak, tortillak... martxa hartu ahala eskaintza zabaltzen joango da.
Gehiago

Leku aldaketak txikienentzat antolatutako ikuskizunetan

Osasun egoera medio, Zaldibiako Udalak neguko oporretarako antolaturiko ekimenak lekuz aldatu ditu. PLAZAN burutuko dira ondorengo ekimenak. Ekimenak aire zabalean burutuko direnez aforoaren arazoa ezabatu da eta adin tarteen muga ere zabaldu dugu haur guztiek ekitaldi hauetan parte hartu ahalko dute. Konfinaturik daudenentzat ikuskizuna telematikoki jarraitzeko aukera eskainiko da.
Gehiago

Garbitzaile lanposturako hautagaia behin betikoa da

Lanbidek sustatuta, gizarte bazterketa edo lan munduko txertaketa zaila duten pertsonen gizarte babeserako programaren baitan, Zaldibiako Udalak 6 hilabetez pertsona bat kontratatuko du garbitzaile lanetarako. Hautatutako pertsona Zaldibiako Udalean egindako elkarrizketetan lehenengo geratu zena da. 
Gehiago

Garbitzaile lanposturako elkarrizketen emaitzak

Lanbidek sustatuta, gizarte bazterketa edo lan munduko txertaketa zaila duten pertsonen gizarte babeserako programaren baitan, Zaldibiako Udalak 6 hilabetez pertsona bat kontratatuko du garbitzaile lanetarako. Astelehenean elkarrizketak burutu ziren, elkarrizketa hauen emaitza duzue hemen. Emaitza hau eskualdeko mahaira eramango da eta bertan erabakiko dira hautatuak Lanbidez zehazturiko irizpideen eta herrien arteko orekaren baitan.
Gehiago

Trafiko Oharra: Ostiralean Santa Fe kalea itxiko da

Urriak 29 ostirala, udaletxe inguruko hiritartze lanak burutzeko Santa Fe kalea itxiko da ibilgailuentzat Mediku etxetik (Santa Fe 21) Estanko parera (Santa Fe 29ra) goizeko 9:00etatik arratsaldeko 17:00etara.
Gehiago

Gaztetxoen aisialdirako hezitzaile eta dinamizatzailea kontratatzeko deialdia

"Zaldibi, gaztetxoen kabi!" prozesuaren baitan eta nerabeek herriarekiko duten lotura indartzeko helburuz, aisialdirako dinamizatzaile bat izateko nahiari erantzutera dator lanpostu deialdi hau. 6 hilabeterako kontratua eskainiko da, hilean 40 orduko lan jardunarekin. Jarraian informazio osoa. 
Gehiago

Ohiko osoko bilkura deialdia asteazkenean

Datorren asteazkenean, urriaren 27an, izango da bilkura iluntzeko 18:00etan Udaletxeko areto nagusian. Jarraian dituzue bertan aztertuko diren gaien zerrenda eta bilkura jarraitu ahal izateko modua.
Gehiago

Beste 1200 erosketa bono jarriko dira eskuragarri

Larunbat honetan, goizeko 11etatik 13:00etara plazan eskuragarri jarriko dira Erosketa bonoak eta geratzen diren Mondeju pintxoaren bonoak. Aurrez bonorik hartu ez dutenek soilik eskuratu ahalko dituzte azken erosketa bonoak larunbat honetan.
Gehiago

Bolumen handiko traste zaharren bilketa astelehenean

Urriak 4 astelehena. Gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak.
Gehiago

Erosketa bonoak banatu dira eta mondeju pintxoaren bono batzuk geratzen dira

Larunbat eguerdirako amaitu ziren erosketa bonoaren 3. edizioko txartel guztiak. Mondeju pintxoaren bono batzuk geratzen dira eskuragarri Udaletxean. Azken urte eta erdian, erosketa bonoen bidez, gutxienez 54.000 euro herrian gastatzen direla bermatuko dugu. Hauspo honekin herriko merkataritza, ostalaritza eta zerbitzuei bultzada eman nahi badiegu ere, ezin dugu ahaztu gure eguneroko erosketa dela gure komertzio txikia bizirik mantentzen duena.
Gehiago