Zerbitzuak

Lehen bi auzo konpostguneak martxan

Dagoeneko 40 familia inguruk eman dute izena eta asteartetik bertara daramatzate beraien etxeko hondakin organikoak. 40 etxe hauetan ez daude kamioiaren zain, nahi eta behar dutenean atera dezakete organikoa, gainera hondakin tasan %8ko hobaria jasoko dute urtarriletik aurrera. Hobari bera jasoko dute organikoa etxean konpostatu edo animalientzako bazka bezala erabiltzen dutenek. Horretarako udaletxean izena eman behar da. Jarraian informazio zehatzagoa.
Gehiago

Garbitzaile lanposturako deialdia

Lanbidek sustatuta Toki ekintzetarako 2022ko Lanbideren dirulaguntza deialdiaren baitan, Zaldibiako Udalak 8 hilabetez pertsona bat kontratatuko du garbitzaile lanetarako. Irakurri baldintzak jarraian. 
Gehiago

Lehen bi auzo konpostguneak, martxan jartzeko prest

Hondakin organikoaren kudeaketa herrian bertan egiteko helburuarekin, prest ditugu Mendi-Ondo eta Gaztainadi inguruko lehen bi auzo konpostguneak. Parte hartu nahi duten Mendi-Ondo eta Gaztainadi inguruetako bizilagunei udaletxean izena emateko deia luzatzen diegu. Datozen asteetan burutuko ditugun bileretan zehaztuko dira herriguneko gainontzeko auzo konpostguneen kokapenak.
Gehiago

Zaldibiako Udala IZARKOMera pasa da, telekomunikazio burujabetzarantz urratsa emanez

Telekomunikazioen oihan globalizatuaren baitan, Euskal Herriko nazio eraikuntza eta burujabetzaren alde lan egiteko sortu zen Izarkom telekomunikazio operadore kooperatiboa. Zaldibiako Udalak gertutik jarraitu du bere ibilbidea eta uztaileko osoko bilkuran aho batez onarturik kooperatibako bazkide erabiltzaile egin da. Abuztutik aurrera udaleko telefono eta internet zerbitzuak Izarkomek ematen ditu eta gainera, aurrezte ekonomikoa eta zerbitzua zabaltzea ere ekarri du herrira. Jarraitu irakurtzen.
Gehiago

Esleitu dira udaletxeko teilatuan eguzki-plakak jartzeko lanak

Iaz haurreskolako plaken instalazioa egin ondoren, 2022an udaletxeko teilatuari heltzea aurreikusi zen. Udaberrian proiektua aztertu eta idatzi zuen Goiener Taldeak eta udaran deialdi irekia egin ondoren, ebatzi da nork egingo dituen lanak. 20 kWko instalazioa (56 plaka) jarriko dira teilatuko hegal batean eta bertan sortutako energia autokontsumo-partekatu sistemaren bidez Udaletxeko, Beti Gazte tabernako eta Itoitz Etxeko (Mediku-etxe-gaztetxea) hornidurarako erabiliko da. Jarraitu irakurtzen.
Gehiago

Bolumen handiko traste zaharren bilketa

Irailak 19 astelehena. Gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak.
Gehiago

Eskola ondoko futbito zelaiko argiteria ere berritu da

Gaur goizean amaitu dituzte, Lardizabal eskola ondoko futbito zelaiko argiak LEDera aldatzeko lanak. Aurreko egunetan Plazako Toki Alai frontoiko argiteria berritu zen eta Resti pilotalekukoak aldatzearekin amaituko lirateke aurre ikusitako lanak. 
Gehiago

Plazako Toki Alai frontoiko argiteria berritu da

Plazako Toki Alai frontoiko argiteria aldatu berri dugu. 400 watiotako foko zaharrak ordezkatu ditugu LED erako 196 watioko fokoengatik. Argi kontsumoan aurrezpenaz gain, argi egokiagoa dugu orain. Laster futbito zelaian eta Resti pilotalekura zabalduko ditugu lanak.
Gehiago

Prest dago jolas eta hezkuntza eremu berria

Proiektu hau Eskolako kanpo espazioa jorratzeko batzorde mistoan landu da ikasturte honetan zehar eta aurre ikusi bezala prest dago eremu berria. Udalak diruz lagundu du proiektua jolas eremu publikoa izateko baldintzapean. Xehetasun guztiak jarraian. 
Gehiago

Hobekuntza eta garbiketa lanak eskolan

Udarako geldialdia aprobetxatuz aurten ere hobekuntza eta garbiketa lanak egiten ari gara Eskola Eraikinean. Margoketa lanak, argi-lanparak aldatzea eta mantenu-konponketak egin dira lehenik, eta ondoren garbiketa orokorra egingo da irailean, kurtso berria hasten denerako.
Gehiago

Bolumen handiko traste zaharren bilketa

Uztailak 18 astelehena. Gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak.
Gehiago

Udaletxeko teilatuan plaka fotoboltaikoak jartzeko eskaintzak aurkezteko epea ireki da

Zaldibiako Udaletxeko teilatuan autokontsumorako 20kW-tako eguzki-instalazio fotoboltaiko bat jartzeko deialdia ireki du Udalak, kontsumo eraginkorrago, jasangarriago eta aldi berean ekonomikoagoa helburu. Eskaintzak aurkeztu nahi dituztenek kontratatzailearen profilean aurkituko dute informazio osoa. Nafarkoop Energia Ekimen Sozialeko Kooperatibak idatzi du proiektua, 33.981,64 €an baloratua, BEZa barne. Abuztuaren 12a baino lehen aurkeztu behar dira eskaintzak.
Gehiago

Trafiko oharra: uztailaren 8an EHUN MILAK lasterketa dela eta, hainbat neurri

Ostiral honetan, gaueko 23:00etatik 01:00etara, Bertuesa baserritik Arresenerako eta handik Olakosairako tarteetan ahal den neurrian AUTORIK EZ ERABILTZEA eskatzen dizuegu. Baita lasterketa pasatuko den etxe inguruetako txakurrak loturik edo kontrolpean izatea ere, ezbeharrik gertatu ez dadin.
Gehiago

Trafiko oharra: Uztailaren 2an Larraiztik Zaldibirako bidean rallya

2022ko uztailaren 2an Ikullu Razing eta Errebueltie eskuderietako kideak antolatuta, Goi Lurrak rallyaren IV. edizioa dela eta, ibilgailuen joan etorrian eragingo duten hainbat neurri hartuko direla jakinarazten dugu.  Larraiztik behera, Gaintzako bidegurutzetik hasi eta Kalbariota baserrira arte, arratsaldeko 15:15etik 20:30era
Gehiago

Trafiko oharra: Ostegunean, ostiralean eta larunbatean Santa Fe kalea itxiko da

2022ko ekainaren 30, uztailaren 1 eta 2an Gazte Asanbladak antolatuta, Zaldibiako Gazte Festak direla eta ibilgailuen joan etorrian eragingo duten hainbat neurri hartuko direla jakinarazten dugu. Santa Fe kalea itxiko da ibilgailuentzat Mediku etxetik (Santa Fe 21) Mariaundi (Santa Fe 45ra) zehazturiko egun eta orduetan.
Gehiago