Ikastaroak
Irrintzi ikastaroa Amaia Garcia Uriondoren eskutik
Irailaren 29an, irrintzi ikastaroa izango da Zaldibian, Aske talde feministak eta Zaldibiako Udalak antolatuta. 15 urte irrintzi ikastaroak ematen daraman Amaia Garcia Uriondo izango da gidari, 18:30ean Kimuene kulturgunean. Ikastaroaren helburuak hiru dira: irrintzia botatzen dakienak teknika hobetzea, ez dakienak adorea hartzea eta, batez ere, dibertitzea. Izen-ematea udaletxean edo kultur etxean, 5 euroan. Oharra: Parte-hartzaile bakoitzak esterilla, arropa erosoa eta ur botila eramango ditu.
Gehiago
Ariketa fisikoa eta Osasuna 2023-2024
Aurtengo ikasturtean ere bada ariketa fisikoa egiteko aukerarik Zaldibian. Udalak edota eragileek antolatuta, ireki atea osasunari. Informazio osoa jarraian eta Karreane Kultur Etxean. Aukera gehiago ere aztertzen ari gara, eskertuko da herritarren ekarpenak helaraztea ere.
Gehiago
Matrikulatu Zaldibian, zabaldu euskararen koloreak
2023-2024 ikasturtean euskara ikasteko matrikulazio epea zabalik da. Zaldibiako Udalak eta UEMAk elkarlanean, euskara ez dakiten herritarrei berau ikasteko gonbitea egiten die, baita ikasketa hori herrian bertan egitekoa ere. Jarraitu irakurtzen.
Gehiago
Txakur eta jabeentzako formakuntza
Irailean eta urrian, Kanguneko kideen eskutik, 8 saioz osatutako ikastaro trinkoa eskainiko da Zaldibian, asteazken arratsaldeetan. Jarraian informazio osoa eta izen emateko aukera.
Gehiago
Arropa garbigarri eta leungarria egiteko ikastaroa
Ekainaren 22an, ostegunean, Aiora Urbietak gidaturiko bigarren tailerra izango dugu. Lehenengoan xaboiak egiten ikasi bagenuen, bigarrenean arropa garbigarri eta leungarriak egiten ikasiko dugu. Zubi-Buru elkartean izango da, arratsaldeko 16:30etik 18:30era. Izena ekainaren 21erako eman behar da, 10€ ordainduta. Informazio guztia jarraian edo kultur etxean (943160338).
Gehiago
Gorputzaren eta etxearen zaintza ekologikoko ikastaroa
Aurten ere etxeko egunerokotasunean erabiltzen ditugun zenbait produktu modu ekologikoan egiten ikasiko dugu Aiora Urbieta Eizagirrerekin. Bi tailerrez osaturiko ikastaro honek ekainaren 16an, ostiralean, izango du lehenengoa: 16:30etik 18:30era bitartean Zubi-Buru elkartean. Bertan olio erabiliarekin xaboia egiten ikasiko dugu. Ekainaren 15erako eman behar da izena, 10€ ordainduta. Informazio osoa, jarraian.
Gehiago
Helduentzako patin ikastaroa Zaldibian
Ekaineko asteazken guztietan, 7an hasita, izango da arratsaldeko 18:30etik 19:30era, Resti Pilotalekuan. Irakasle lanetan Unai Matxain eta Aitor Vacas arituko dira. Oharra: Izen-ematea itxi da, plaza guztiak bete direlako.
Gehiago
KZ guneko ikastaroak 2023ko martxoa, apirila eta maiatzean
Zaldibiako KZ gunean ondorengo ikastaroak antolatu dira 2023ko martxoa, apirila eta maiatzean. Saio hauetan parte hartzeko izena eman behar da Karreane Kultur Etxean, 943 160 338 telefonora deituz edo albiste honetan duzun izen emate taula beteaz.
Gehiago
Herri-harrera antolatzeko formakuntza
Zaldibiako Udala “Harrera protokolo integrala” proiektuan murgilduta dago, helburua Zaldibiara bizitzera datozen herritarrei ahalik eta harrera egokiena egin eta herritarren arteko saretzean eragitea izanik. Proiektuaren baitan, herriko elkarte eta eragileei formakuntza aukera eskainiko zaie, baita gaian bereziki interesa duten herritar norbanakoei ere. Jarraian informazio osoa.
Gehiago
Telegram aplikazioaren ikastaro praktikoa
Ostegunerako, urriaren 27rako TELEGRAM aplikazioaren inguruko IKASTARO PRAKTIKOA antolatu du udalak. Bi saio izango dira lehena Euskaraz ez dakitenentzat 14:45etik 15:45era eta bigarrena 16:15etik 17:15era saio orokorra. Interesatuek kultur etxean edo hemen bertan eman dezakete izena.
Gehiago
Gorputzaren eta etxearen zaintza ekologikoko ikastaroa
Gure arbasoek, batez ere emakumeek, bazekiten nola sortu euren zaintzarako nahiz etxerako behar zituzten produktuak eta zorionez, jakintza hori ez da galdu. Aiora Urbieta Eizagirrek gidaturiko aurreneko tailerrean xaboiak egiten ikasi bagenuen, bigarrenean usain, kolore eta tamaina ezberdinetako intsentsuak eta kandelak egingo ditugu. Noiz? Urriaren 21ean, ostiralean, 17:00 eta 19:00ak bitartean, Zubi-Buru elkartean. Urriaren 20rako eman behar da izena, 10€ ordainduta. Informazio guztia barruan ikusgai.
Gehiago
Ariketa fisikoa eta osasuna: 2022-2023 ikasturtea
Herriko festen ondoren hasiera emango zaie aurtengo kurtso osoko kirol ikastaroei eta jarraian aurki dezakezu urriaren 4a bitarte izen ematea irekita duten kurtsoei buruzko informazioa.
Gehiago
Olaldeko zirkuitua: saio gidatua ostiralean
Olaldeko zirkuituan jarrita dauden makinen erabilerari buruzko saio gidatua egingo da (momentuz saio bakarra), irailaren 23an, OSTIRALA, 11:00etan, Olaldeko parkearen sarreran elkartuta. Herritar ugarik erabiltzen dute Olaldeko osasun zirkuitua eta makinak egoki erabiltzeko eta bestelako gomendioak jasotzeko aukera izango da profesional batek gidatuko duen saio honetan. Prezioa: dohainik eta ez dago izena eman beharrik, bertaratzea nahikoa izango da.
Gehiago
Euskara ikasteko ikastaroak, urritik aurrera Zaldibian
Bi ikastaro mota izango dira: bata oinarrizko euskara ikasteko, astearte eta ostegunetan 14:15etik 15:45era. Bestea, ordea, A1 mailakoa, astelehen, asteazken eta ostiraletan 14:45etik 15:45era. Ikastaroak doan izango dira zaldibiarrentzako eta zabalik dago jada izen-emate epea. Izena Karreane kultur etxean edo 943160338 zenbakira deituta eman daiteke, irailaren 23a baino lehen.
Gehiago
Gorputzaren eta etxearen zaintza ekologikoko ikastaroa
Gure arbasoek, batez ere emakumeek, bazekiten nola sortu euren zaintzarako nahiz etxerako behar zituzten produktuak eta zorionez, jakintza hori ez da galdu. Bi tailerrez osaturiko ikastaro honetan, etxeko egunerokotasunean erabiltzen ditugun zenbait produktu modu ekologikoan egiten ikasiko dugu Aiora Urbieta Eizagirreren gidaritzapean. Lehenengo tailerra irailaren 23an, 17:00-19:00 bitartean egingo da Karreaneko beheko aretoan. Bertan gorputz eta aurpegirako oinarrizko xaboi bana egiten ikasiko dugu. Irailaren 21a baino lehen eman behar da izena, 10€ ordainduta. Informazio guztia barruan ikusgai.
Gehiago
